Azərbaycan, Bakı, 26 may /Trend/
Livanın paytaxtı Beyrutun cənub hissəsinə iki raket zərbəsi nəticəsində 4 nəfər xəsarət alıb. Trend-in məlumatına görə, bu barədə RİA Novosti "Frans Press"ə istinadən xəbər verir.
Raketlərdən biri içərisində müştərilərin olduğu avtomobil salonunun vitrininə düşüb.
Raketlərin haradan buraxıldığı barədə hələ dəqiq məlumat yoxdur.
Xatırladaq ki, raketlərin düşdüyü rayon "Hizbullah" hərəkatının nəzarəti altındadır. Bununla əlaqədar olaraq, hücumu şənbə günü təşkilatın lideri Şeyx Həsən Nəsrullahın çıxışına cavab kimi qiymətləndirmək olar. Qeyd edək ki, Şeyx çıxışında Suriya Prezidenti Bəşşar Əsədə dəstək verdiyini ifadə etmişdi.