Azərbaycan, Bakı, 11 iyun /Trend/
Oğuz rayonunda zəlzələ baş verib. Bu barədə Trend Fövqəladə Hallar Nazirliyinə istinadən məlumat verir.
Azərbaycan Milli Elmlər Akademiyası Respublika Seysmoloji Xidmət Mərkəzindən FHN-in Böhran Vəziyyətlərində İdarəetmə Mərkəzinə daxil olmuş məlumata əsasən, 10 iyun 2013-cü il tarixində Bakı vaxtı ilə saat 23:56-da Şəki rayonunundan 16 km cənub-şərqdə, Oğuz rayonu ərazisində zəlzələ qeydə alınıb.
Yeraltı təkanların gücü episentrdə 12 ballıq cədvəl üzrə 3 bal təşkil edib. Zəlzələ episentrə yaxın yaşayış məntəqələrində 3 bala qədər hiss olunub.
İnsan tələfatı və dağıntı haqqında məlumat daxil olmayıb.