Azərbaycan, Bakı, 21 avqust /Trend, müxbir İ.İzzət/
Xətt avtobusunda oğurluq edən Sumqayıt sakini tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Binəqədi Rayon Polis İdarəsi, Post Patrul Xidməti Bölməsi və 6-cı Polis Bölməsinin əməkdaşları tərəfindən keçirilən birgə əməliyyat nəticəsində Sumqayıt şəhər sakini Hafiz Babayev tutulub.
O, avqustun 19-da 150 saylı xətt avtobusunda Bakı şəhər sakini Surac Dadaşovun cibindən 150 manat oğurlamaqda ittiham olunur.