Azərbaycan, Bakı, 27 sentyabr /Trend, müxbir İ.İzzət/
Penitensiar Xidmətin və 12 saylı cəzaçəkmə müəssisəsinin əməliyyat aparatları tərəfindən müəssisəyə qadağan olunmuş rabitə vasitələrinin keçirilməsi cəhdinin qarşısı alınıb.
Ədliyyə Nazirliyi Penitensiar Xidmətin İctimaiyyətlə əlaqələr şöbəsindən Trend-ə verilən məlumata görə, sentyabrın 27-də həyata keçirilmiş əməliyyat-axtarış tədbirləri nəticəsində 12 saylı cəzaçəkmə müəssisəsində cəza çəkən məhkum Rüstəm Məmmədağa oğlu Kazımova vətəndaş Abayeva Marina tərəfindən göndərilən sovqata baxış keçirilib. Baxış zamanı bağlamada olan şokolad qablarında gizlədilmiş 2 ədəd "Nokia" markalı mobil telefon aparatı və 1 ədəd mobil telefon aparatı üçün elektrik qidalandırıcısı aşkar edilərək götürülüb.
Qedy edək ki, 1974-cü il təvəllüdlü Rüstəm Kazımov Cinayət Məcəlləsinin 179.3.2-ci (Mənimsəmə və ya israf etmə; külli miqdarda törədildikdə) maddəsi ilə təqsirli bilinərək 9 il müddətinə azadlıqdan məhrum edilib.
Fakt üzrə araşdırma aparılır.