Azərbaycan, Bakı, 24 mart /Trend/
Bu gün Bakıda silahlı insident baş verib.
Sabunçu rayon Polis İdarəsindən Trend-ə verilən məlumata görə, hadisə Zabrat qəsəbəsində qeydə alınıb.
Məlumatda bildirlir ki, bir nəfər naməlum şəxs 1994-cü il təvəllüdlü Yaqub Musayevi və 1991-ci il təvəllüdlü Pərvin Mehdiyevi güllələyib.
Hadisə nəticəsində Y.Musayev hadisə yerində keçinib, P.Mehdiyev isə ağır vəziyyətdə xəstəxanaya yerləşdirilib.
Hadisəni törədən şəxsin kimliyi isə hələlik məlum deyil. Faktla bağlı Sabunçu Rayon Prokurorluğu tərəfindən cinayət işi başlanıb, istintaq gedir.