Azərbaycan, Bakı, 3 aprel /Trend, müxbir İ.İzzət/
İrandan Azərbaycana narkotik maddələr gətirilməsinin qarşısı alınıb.
Dövlət Gömrük Komitəsindən Trend-ə verilən məlumata görə, Astara Gömrük İdarəsinin sərnişin şöbəsində İran İslam Respublikasından piyada yolla Azərbaycan Respublikasına gələn Gürcüstan vətəndaşı Bafalı Hüseynov gömrük nəzarətindən keçərkən ona məxsus sellofan paketdə, cəmi 6 ədəd bükümdə, ümumi xalis çəkisi 47,763 qram olan narkotik vasitə - heroin, 1 ədəd bükümdə xalis çəkisi 36,094 qram olan narkotik vasitə - tiryək və 1 ədəd bükümdə isə xalis çəkisi 14,980 qram olan psixotrop maddə - metamfetamin aşkar olunub.