Azərbaycan, Bakı, 15 iyul /Trend, müxbir İlkin İzzət/
Bakıda sərnişin avtobusunda oğurluqla məşğul olan qadın tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, iyulun 10-da 44 saylı xətt avtobusunda Nərminə Həsənovanın əl çantasından 300 manat, qızıl üzük və mobil telefon oğurlanıb.
Nizami Rayon Polis İdarəsi 24-cü Polis Bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Bakı şəhər sakini, 1980-ci il təvəllüdlü Cəmilə Əfsəlova tutulub.