Azərbaycan, Bakı, 4 avqust /Trend, müxbir İlkin İzzət/
Bu gün saat 17 radələrində Hirkan Milli Parkının ərazisində, Yuxarı Nüvədi kəndinin yaxınlığında yanğın hadisəsi baş verib.
Ekologiya və Təbii Sərvətlər Nazirliyinin mətbuat xidmətindən Trend-ə verilən məlumata görə, naməlum səbəblərdən baş verən yanğının söndürülməsinə Ekologiya və Təbii Sərvətlər Nazirliyinin yerli qurumlarının və Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası cəlb olunub. Yanğın nəticəsində 30 sot sahəyə ziyan dəyib.
Hazırda ETSN-in əməkdaşları, o cümlədən FHN-in canlı qüvvəsi yanğının söndürülməsi istiqamətində operativ tədbirlər həyata keçirir.