Azərbaycan, Bakı, 25 sentyabr /Trend, müxbir İlkin İzzət/
Daşkəsən rayonunda baş verən yol-nəqliyyat hadisəsi ölümlə nəticələnib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, sentyabrın 24-də saat 15 radələrində Daşkəsən rayonunun Mollahəsənli kəndində kənd sakini Elşad Paşayev idarə etdiyi "T-16" markalı traktoru aşırıb. Nəticədə sürücü E.Paşayev hadisə yerində ölüb.
Faktla bağlı araşdırma aparılır.