Azərbaycan, Bakı, 12 fevral /Trend, müxbir İlkin İzzət/
Bakıda kimyəvi təmizləmə məntəqəsində oğurluq etmiş işçi qadın tutulub.
Daxili İşlər Nazirliyinin mətbuat xidmətindən Trend-ə verilən məlumata görə, fevralın 1-də Nəsimi rayonu ərazisində Bakı şəhər sakini Fəhmin Əlizadəyə məxsus kimyəvi təmizləmə məntəqəsində 4000 manat oğurlanıb.
Nəsimi rayon Polis İdarəsi 22-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş, həmin məntəqədə işləyən Neftçala rayon sakini Mahizər Əsgərova tutulub.
Faktla bağlı araşdırma aparılır.