...

İki ədəd çantadan 1000 qutu siqaret çıxdı

Hadisə Materials 13 Fevral 2015 19:02 (UTC +04:00)
Moskva-Lənkəran aviareysi ilə gələn Azərbaycan Respublikasının vətəndaşı Afətdin Dadaşova məxsus baqaj gömrük nəzarətindən keçirilərkən rentgen aparatının monitorunda siqaret təsvirləri görünüb.
İki ədəd çantadan 1000 qutu siqaret çıxdı

Azərbaycan, Bakı, 13 fevral /Trend/

Moskva-Lənkəran aviareysi ilə gələn Azərbaycan Respublikasının vətəndaşı Afətdin Dadaşova məxsus baqaj gömrük nəzarətindən keçirilərkən rentgen aparatının monitorunda siqaret təsvirləri görünüb.

Dövlət Gömrük Komitəsindən (DGK) Trend-ə verilən məlumata görə, DGK Hava Nəqliyyatında Baş Gömrük İdarəsinin əməkdaşları tərəfindən saxlanılan baqaja - 2 ədəd çantanın içərisindəki mallara təkrar baxış keçirilib. Nəticədə həmin çantalarda əvvəlcədən gömrük nəzarətinə təqdim edilməyən, elektron və kağız üzərində yazılı və ya şifahi formada bəyan olunmayan, Azərbaycan Respublikasının aksiz markaları ilə markalanmayan 1000 qutu xarici markalı siqaret aşkar olunub.

Faktla bağlı izahatında A.Dadaşov baqajında aşkar olunan siqaretləri Rusiya Federasiyasının Moskva şəhərindəki bazardan əldə etdiyini və satış məqsədilə Azərbaycana gətirdiyini bildirib.

Məqalədə:
Xəbər lenti

Xəbər lenti