Azərbaycan, Bakı, 27 iyul /Trend/
Dənizdə batan şəxsin cəsədi tapılıb.
Trend Fövqəladə Hallar Nazirliyinin saytına istinadən xəbər verir ki, "112" qaynar telefon xəttinə Sabunçu rayonunda dənizdə (ən yaxınlıqdakı xilasetmə məntəqəsindən 5 km aralı, nəzarətsiz ərazidə) 1999-cu il təvəllüdlü Abbasov Əmrah Qədir oğlunun suda batması haqqında məlumat daxil olub.
Ə.Abbasovun cəsədi batdığı yerdən 10 metr aralıda, "Nardaran-1" sularda xilasetmə məntəqəsinin xilasediciləri tərəfindən tapılıb çıxarılaraq aidiyyəti üzrə təhvil verilib.