Azərbaycan, Bakı, 12 oktyabr /Trend, müxbir Elmir Murad/
Tovuzda yol-nəqliyyat hadisəsi baş verib.
Daxili İşlər Nazirliyindən Trend-ə verilən məlumata görə, oktyabrın 11-də saat 22 radələrində Tovuz rayonunun Əlimərdanlı kəndində rayon sakini İmran Hüseynov idarə etdiyi "Mercedes" markalı avtomobili yolun kənarında təmirə dayanmış Tovuz şəhər sakini Murad Mirzəyevə məxsus "VAZ-21011" markalı avtomobilə vurub.
Hadisə nəticəsində yaralanan M.Mirzəyev xəstəxanaya yerləşdirilsə də, onun həyatını xilas etmək mümkün olmayıb.
Faktla bağlı Tovuz rayon Polis şöbəsi tərəfindən araşdırma aparılır.