Bakı. Trend:
Külli miqdarda narkotik vasitə saxlamaqda şübhəli bilinən Gəncə şəhər sakini Bakıda saxlanılıb.
Trend Kəpəz TV-yə (Region TV) istinadən xəbər verir ki, Binəqədi rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində külli miqdarda narkotik vasitə saxlamaqda şübhəli bilinən Gəncə şəhər sakini Elman Mirzəyev saxlanılıb.
Polis E.Mirzəyevin əlindəki selofan torbada 8 kiloqramdan artıq qurudulmuş marixuana aşkarlayıb.
Hazırda E.Mirzəyevin narkotik vasitəni haradan və hansı məqsədlər üçün əldə etdiyi araşdırılır.