Bakı. Trend:
Mingəçevirdə şirkət əməkdaşını vuraraq 70 min manatını aparan dəstənin daha bir üzvü tutulub.
DİN-dən Trend-ə verilən məlumata görə, Baş Cinayət Axtarışı İdarəsi və Mingəçevir ŞPŞ əməkdaşlarının birgə keçirdikləri əməliyyat-axtarış tədbirləri nəticəsində aprelin 30-da Mingəçevir şəhərindəki şirkətlərin birində hasilatçı (ekspeditor) vəzifəsində çalışan E.Abdullayevi evinin girişində fənərə oxşar alətlə vuraraq şirkətə məxsus içərisində 70.000 manat olan çantanı əlindən almaqda şübhəli bilinən qrupun digər üzvü - Mingəçevir şəhər sakini Yaşar Kərimov da saxlanılıb.
Faktla bağlı Mingəçevir ŞPŞ-də araşdırma aparılır.