Bakı. Trend:
Çinin Çenyan şəhərində (Lyaonin əyaləti) yerli vaxtla saat 13:50-də meşədə yanğın başlayıb.
Trend-in "TASS"a istinadən verdiyi məlumata görə, güclü külək səbəbindən yanğın tez bir zamanda böyük məsafəyə yayılıb. Yanğının söndürülməsi üçün 4 min canlı qüvvə, 2 helikopter, 6 pilotsuz uçuş aparatı və 150-dən artıq yanğınsöndürən avtomobil cəlb edilib.
Yerli vaxtla saat 21:40 üçün 11 nəfər təhlükəsiz yerlərə təxliyə edilib. Yanğın nəticəsində ölənlər və yaralananlar barədə məlumat verilmir.
Yanğını səbəbi araşdırılır.