Bakı. Trend:
Bakıda ölümlə nəticələnən yol qəzası baş verib.
Daxili İşlər Nazirliyinin Mətbuat Xidmətindən Trend-ə verilən məlumata görə, aprelin 2-si saat 9 radələrində Nərimanov rayonu ərazisində Bakı şəhər sakini Y.Əsgərov idarə etdiyi “VAZ-2106” markalı avtomobillə yolu keçən Beydulla Qəniyevi vurub.
Nəticədə xəstəxanaya yerləşdirilmiş piyada orada ölüb.
Nərimanov Rayon Polis İdarəsi tərəfindən araşdırma aparılır.