Bakı. Trend:
Bakıda avtobus qəza törədib.
Bu barədə Trend-in sorğusuna cavab olaraq, DİN-in mətbuat xidmətindən bildirilib.
Qeyd edilib ki, oktyabrın 30-u saat 01 radələrində M.Ə.Rəsulzadə qəsəbəsi ərazisində paytaxt sakinləri 1973-cü il təvəllüdlü Ə.Mehdiyevin idarə etdiyi “İsuzu” markalı 99 JZ 293 N-li avtobusla 1985-ci il təvəllüdlü C. Məmmədovun idarə etdiyi “Opel” markalı 77 BH 549 dövlət qeydiyyat nişanlı avtomobil toqquşub.
Bildirilib ki, yol-nəqliyyat hadisəsi nəticəsində C.Məmmədov və sərnişini paytaxt sakini 1985-ci il təvəllüdlü A.Əyyubov hadisə yerində ölüblər.
Qəza ilə bağlı Binəqədi Rayon Polis İdarəsində araşdırmalar aparılır.