Aprelin 21-də Göyçay rayon sakini Oqtay Əhmədovun idarə etdiyi "VAZ-21011" markalı avtomobilin Ağdaş rayonu ərazisində aşması nəticəsnidə "Şirvan" kanalına düşmüş sərnişinlərdən ikisinin cəsədi tapılıb, birinin isə axtarışı davam edir. Bu barədə Trend ə Ağdaş rayon Polis Şöbəsinin növbətçi hissəsindən məlumat verilib.
Hadisə Ağdaş rayonunun Xosrov kəndi ərazisində baş verib. Maşının kanala aşması nəticəsində Göyçay rayon sakinləri olan sürücünün və və sərnişinlərdən üçünün həyatını xilas etmək mümkün olub. Digər sərnişinlər Rəqsanə Ziyəddinovanı, Mirvari və Gülnisə Məmmədovaları isə xilas etmək mümkün olmayıb.
Kanalda aparılan axtarışlar nəticəsində aprelin 23-də Mirvari və Gülnisə Məmmədovaların cəsədləri tapılıb. Rəqsanə Ziyəddinovanın axtarışı isə hələ də davam edirilir.
Faktla bağlı araşdırma aparılır.