Azərbaycan, Gəncə / Trend müxbir V.Məmmədov/ Dünən axşam saatlarından başlayaraq Gəncə şəhərinin Bağmanlar və Yeni Gəncə qəsəbələri ərazisində atmosferdə kəskin qaz qoxusu hiss olunmağa başlayıb. Buna görə şəhər sakinləri narahat olublar.
Gəncə şəhər Qaz İstismarı İdarəsinin rəisi Adil Bağırov Trend ə bildirib ki, kəskin qaz qoxusunun olması hər hansı qəza şəraiti ilə bağlı deyil. Sadəcə şəhərə verilən məişət qazının tərkibinə vurulan xüsusi qoxulu "odarant"maddəsinin həcmi çox olub. Artıq texniki qüsur aradan qaldırılıb.
Normaya görə, hər 1000 kubmetr mavi qaza 16 qram "odarant" vurulmalıdır.
