Azərbaycan, Gəncə / Trend müxbir V.Məmmədov/ Bu gün Gəncədə "Nəhəng daş" Ticarət Mərkəzinin açılış mərasimi keçirilib. Gəncə şəhər icra başçısının müavini İlham Əliyev bildirib ki, ticarət mərkəzi Qərb bölgəsində ən iri ticarət mərkəzidir. Ticarət Mərkəzinin rəhbəri Əli İsmayılovun sözlərinə görə, mərkəzdə ümumilikdə 1800 ticarət obyekti var. Hazırda onlardan 1000-i istifadəyə yararlıdır. Martın sonuna kimi yarmarkanın tam istifadəyə verilməsi planlaşdırılır.