Azərbaycan, Bakı, 22 iyul /Trend/
Şirin qazlı içkilər yalnız kök insanlarda deyil, sağlam və arıq insanlarda da diabet xəstəliyinə səbəb ola bilər. Trend-in RIA Novosti-yə istinadən verdiyi məlumata əsasən, bu barədə Kembric məktəbinin tibb işçiləri Nita Foruhi və həmkarlarının "BMJ" jurnalında dərc olunan məqaləsində deyilir.
Nəticələrdən belə məlum olur ki, şirin qazlı içkilərdən az istifadə etməklə sağlamlığı potensial cəhətdən yaxşılaşdırmaq olar.
N.Foruhi və həmkarlarının tədqiqat işi göstərib ki, diabet riski yalnız kök insanlarda deyil, sağlam və normal çəki indeksi olan insanlarda da müşahidə edilir. Gündəlik qəbul edilən bir stəkan şirin qazlı içki diabetə yoluxma riskini orta hesabla 18 faiz artırır.