Azərbaycan, Bakı, 25 avqust /Trend/
NASA-nın kosmik aparatı "Solar Dynamics Observatory" avqustun 24-də Günəşdəki partlayışın şəklini əldə edib. Trend-in Korrespondent.net saytına istinadən verdiyi məlumata əsasən, şəkil NASA-nın saytında dərc olunub.
Məlumatda bildirilir ki, partlayış orta səviyyəli olub.
Qeyd edək ki, NASA-nın "Solar Dynamics Observatory" kosmik rəsədxanası 5 il müddətinə Günəşin öyrənilməsi üçün nəzərdə tutulub. Rəsədxana "Ulduzla həyat" (Living With a Star, LWS) proqramı çərçivəsində 2010-cu il fevralın 11-də kosmosa buraxılıb.