Azərbaycan, Bərdə, 05 aprel / Trend ", müxbir Ş.Cəliloğlu/ Ağdam rayonunun Evoğlu kəndində fərdi yaşayış evində partlamamış top mərmisi tapılıb. Trend un bölgə müxbirinin məlumatına görə, Evoğlu kənd sakini Feyruz Məmmədova məxsus olan fərdi yaşayış evinin həyətyanı sahəsində Qarabağ müharibəsi zamanı partladılmamış mərmi müəyyənlşdirilib.
Azərbaycan Ərazilərinin Minalardan Təmizlənməsi üzrə Milli Agentlik (ANAMA) minanın zərərsizləşdirilməsi üçün ərazini nəzarətə götürüb. Onun zərərsizləşdirilməsi üçün təmizləmə əməliyyatı aparılır.
ANAMA indiyə qədər işğaldan azad olunmuş ərazilər və digər ərazilərdə 60 milyon kvadratmetr ərazini minalardan təmizləyib.
Ermənistan Azərbaycan ərazisinin 20 faizini - Dağlıq Qarabağı və ətrafındakı yeddi rayonu işğal edib. İşğal 1988-ci ildən başlayıb, 1991-ci ilin dekabrınadək Şuşa və Xocalı istisna olmaqla Dağlıq Qarabağ Azərbaycanın nəzarətindən çıxıb. 1992-93-cü illərdə isə Şuşa, Xocalı və Dağlıq Qarabağın ətrafındakı daha yeddi rayon işğal edilib. 1994-cü ildə Ermənistanla Azərbaycan arasında atəşkəs haqqında razılıq əldə olunub və indiyədək də tərəflər arasında sülh danışıqları davam etdirilir.
Dağlıq Qarabağ münaqişəsinin sülh yolu ilə tənzimlənməsi üçün üç ölkə - ABŞ, Rusiya və Fransa təmsilçilərinin həmsədrliyi ilə ATƏT-in Minsk qrupu vasitəçilik edir.
Məqalə müəllifi ilə əlaqə ünvanı: [email protected]