Ermənistan - "Konstruktiv yanaşmanın tərəfdarıdır və Dağlıq Qarabağ probleminin sülh yolu ilə həlli mövqeyindən çıxış edir". Bu barədə bazar ertəsi Respublika İctimai Televiziyasının mətbuat zalında çıxış edən Ermənistanın müdafiə naziri Seyran Ohanyan bildirib.
İTAR-TASS -ın verdiyi xəbərə görə, müdafiə naziri bildirib ki, "Müharibəyə qayıdışı nə Ermənistanda, nə də Azərbaycanda istəyirlər".
"Ermənistan və Azərbaycan prezidentlərinin Sank-Peterburqdakı son görüşü göstərdi ki, onlar artıq əvvəllr aparılmış danışıqlar bazasında iş aparmağa və danışıqlar prosesini davam etdirməyə hazırdırlar", - deyə Ohanyan bildirib.