Türkiyənin xarici işlər naziri Əli Babacan dekabrın 5-də İstanbulda ATƏT xarici işlər nazirlərinin Finlandiyada baş tutmuş toplantısında iştirakı ilə bağlı mətbuat konfransı keçirib.
AzərTAc-ın yaydığı xəbərdə bildirilir
ki, Əli Babacan Helsinkidə Azərbaycanın və
Türkiyənin Ermənistan ilə münasibətlərini
müzakirə etdiyini, hər iki ölkənin xarici
işlər nazirləri ilə ikitərəfli
görüşlər keçirdiyini bildirib. O əlavə
edib ki, Türkiyə ATƏT-in Minsk qrupu
həmsədrlərinin də iştirak etdiyi toplantıda
Ermənistan-Azərbaycan, Dağlıq Qarabağ
münaqişəsinin davamlı həlli istiqamətində
danışıqların sürətləndirilməsi
barədə qəbul olunmuş sənədi mühüm
addım kimi dəyərləndirir.
Əli Babacan bildirib ki, ATƏT xarici işlər
nazirlərinin görüşü
çərçivəsində 5 ölkə - Azərbaycan,
Türkiyə, Rusiya, Gürcüstan və Ermənistanın
xarici işlər nazirləri Ankaranın irəli
sürdüyü Cənubi Qafqazda Sabitlik və
Əməkdaşlıq Platformasını müzakirə
ediblər.
Onun sözlərinə görə, Türkiyə bu platforma çərçivəsində səylərini davam etdirəcək.