Ermənistan silahlı qüvvələrinin bölmələri növbəti dəfə atəşkəs rejimini pozub
Azərbaycan, Bakı, 6 may /Trend /
Ermənistan silahlı qüvvələrinin bölmələri mayın 5-də saat 16:10-dan 16:30-dək Cəbrayıl rayonu ərazisində yerləşən adsız yüksəkliklərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Bu barədə Azərbaycan Müdafiə Nazirliyinin mətbuat xidmətindən məlumat verilib.
Bütün hallarda düşmən cavab atəşi ilə susdurulub. İtki yoxdur.