Azərbaycan, Bakı, 2 aprel /Trend, müxbir K.Zərbalıyeva/
Ermənistan Silahlı Qüvvələri bir neçə istiqamətdə atəşkəs rejimini pozub.
Müdafiə Nazirliyinin mətbuat xidmətindən şənbə günü Trend-ə bildiriblər ki, Ermənistan Silahlı Qüvvələrinin bölmələri aprelin 1-də saat 11:40-dan 12:40-dək Xocavənd rayonunun ərazisindəki adsız yüksəkliklərdə yerləşən mövqelərdən, saat 13:10-dan 13:40-dək Gədəbəy rayonunun ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Sonra saat 12:05-dən 12:15-dək və aprelin 2-də saat 00:10-dan 00:25-dək Füzuli rayonunun Qaraxanbəyli və Aşağı Seyidəhmədli kəndləri yaxınlığında yerlələş mövqelərdən Azərbaycan Silahlı Qüvvələrinin üzbəüz mövqeləri avtomat və pulemyotlardan atəşə tutulub.
Düşmən cavab atəşi ilə susdurulub.
İtki yoxdur.