...

Tomas de Vaal: Bu il Dağlıq Qarabağ prosesi üçün həlledici əhəmiyyətə malik ola bilər

Ermənistan-Azərbaycan münaqişəsi Materials 1 İyun 2011 13:09 (UTC +04:00)
Bu il Dağlıq Qarabağ prosesi üçün həlledici əhəmiyyətə malik il ola bilər. Karneqi Fondunun eksperti, ingilis jurnalist, "Qara bağ: Azərbaycan və Ermənistan sülh və müharibə arasında" kitabının müəllifi Tomas de Vaal bu qənaətdədir.
Tomas de Vaal: Bu il Dağlıq Qarabağ prosesi üçün həlledici əhəmiyyətə malik ola bilər

Azərbaycan, Bakı, 1 iyun /Trend, müxbir E.Tariverdiyeva/

Bu il Dağlıq Qarabağ prosesi üçün həlledici əhəmiyyətə malik il ola bilər. Karneqi Fondunun eksperti, ingilis jurnalist, "Qara bağ: Azərbaycan və Ermənistan sülh və müharibə arasında" kitabının müəllifi Tomas de Vaal bu qənaətdədir.

"Hesab edirəm ki, üç prezidentin Dovil bəyanatı uzun illər ərzində Dağlıq Qarabağ münaqişəsi ilə bağlı ən əhəmiyyətli bəyanat olub", - de Vaal Trend-ə bildirib.

Prezidentlər İlham Əliyev, Dmitri Medvedev və Serj Sarkisyan iyunun sonunda Kazanda görüş keçirəcəklər. Bu, Azərbaycan, Rusiya və Ermənistan prezidentlərinin artıq doqquzuncu üçtərəfli görüşü olacaq.

Belə formatda ötən dəfəki görüş martın 5-də Soçidə keçirilib. Yeddinci görüş ötən il oktyabrın 27-də Həştərxanda keçirilib. Azərbaycan, Rusiya və Ermənistan prezidentlərinin görüşünün yekunları üzrə bəyannamə imzalanıb. Birgə Bəyannamədə "Ermənistan və Azərbaycan prezidentləri ilk addım kimi ATƏT-in Minsk qrupunun və Beynəlxalq Qırmızı Xaç Komitəsinin dəstəyi ilə hərbi əsirlərin və həlak olanların meyitlərinin mübadiləsini etmək barədə razılığa gəliblər" deyilir.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır.

1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır. BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.

De Vaalın sözlərinə görə, nizamlanma üzrə sənədin əsas prinsipləri artıq 5 ildən çoxdur müzakirə edilir və həmsədr ölkələrin prezidentlərinin dediyinə görə, qısamüddətli çərçivə sazişinin razılaşdırılmasının yenə də yubadılması münaqişə tərəflərinin Dağlıq Qarabağ prosesinin sülh yolu ilə tənzimlənmısinin tərəfdarı olmalarını sual altda qoyur.

"Rusiya, Fransa və ABŞ əsaslı olaraq hesab edirlər ki, irəliyə getməyin vaxtıdır", - ekspert deyib.

Prezidentlər Medvedev, Obama və Sarkozi Azərbaycan və Ermənistan liderlərini "siyasi iradə nümayiş etdirməyə və iyunda keçiriləcək Ermənistan-Azərbaycan sammiti zamanı əsas prinsiplər üzərində [Dağlıq Qarabağ tənzimlənməsi üzrə] işi başa çatdırmağa çağırıblar.

"Üç böyük dövlət arasında razılığın mövcud, üç həmsədr ölkənin prezident seçkiləri astanasında olduğu bir şəraitdə 2011-ci il Dağlıq Qarabağ prosesi üçün həlledici əhəmiyyətə malik ola bilər", - de Vaal qeyd edib.

Xəbər lenti

Xəbər lenti