Azərbaycanın işğal olunmuş ərazisində erməni əsgər ölüb
Azərbaycan, Bakı, 27 avqust /Trend/
Azərbaycanın işğal olunmuş ərazilərindəki hərbi hospitalda 19 yaşlı erməni hərbi qulluqçu Aqasi Abramyan ölüb.
Trend-in məlumatına görə, faktla bağlı cinayət işi qaldırılıb, təhqiqat aparılır.
Digər təfərrüatlar barədə məlumat verilmir.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.
