Azərbaycan, Bakı, 12 may /Trend/
Bu gün Ermənistanın xarici işlər naziri Edvard Nalbandyan ATƏT-in Dağlıq Qarabağ münaqişəsinin nizamlanması üzrə Minsk qrupunun həmsədrləri Robert Bradtke (ABŞ), İqor Popov (Rusiya) və Jak For (Fransa), həmçinin ATƏT-in fəaliyyətdə olan şəxsi nümayəndəsi, səfir Anjey Kasprşiklə görüşüb. Həmsədrlər Yerevana regional səfər çərçivəsində gəliblər. Bu barədə Trend şənbə günü "Novosti Armeniya"ya istinadən məlumat verir.
Görüş zamanı tərəflər yanvarın 23-də Soçidə Azərbaycan, Rusiya və Ermənistan prezidentlərinin birgə bəyanatında əks olunan razılaşmaların reallaşdırılması, xüsusən insidentlərin araşdırılması mexanizmlərinin yaradılması haqqında məsələlərə toxunublar.