Azərbaycan, Bakı, 27 sentyabr /Trend/
Ermənistanın xarici işlər naziri Edvard Nalbandyan Nyu-Yorkda ATƏT-in Minsk qrupunun həmsədrləri ilə görüşüb. Trend-in məlumatına görə, bu barədə Ermənistanın "Mediamaks" informasiya agentliyi xəbər verib.
Görüşdə Dağlıq Qarabağ ətrafında danışıqlar prosesi müzakirə olunub.
Ermənistan XİN-in rəhbəri ABŞ dövlət katibinin köməkçisi Filip Qordonla da görüşüb. Onlar ikitərəfli münasibətləri, Qarabağ nizamlamasını və sülh prosesində yaranmış vəziyyəti müzakirə ediblər.