...

Minsk qrupunun həmsədrləri qoşunların təmas xəttindəki yeni zorakılıq faktları ilə bağlı bəyanat yayacaqlar

Ermənistan-Azərbaycan münaqişəsi Materials 23 İyul 2014 10:46
ATƏT-in Minsk qrupunun həmsədrləri bu gün Azərbaycan-Ermənistan qoşunlarının təmas xəttindəki yeni zorakılıq faktlarından narahat olduqları üçün bəyanat yayacaqlar.
Minsk qrupunun həmsədrləri qoşunların təmas xəttindəki yeni zorakılıq faktları ilə bağlı bəyanat yayacaqlar

Trend-i buradan izləyin

Azərbaycan, Bakı, 23 iyul /Trend, müxbir Səbinə Əhmədova/

ATƏT-in Minsk qrupunun həmsədrləri bu gün Azərbaycan-Ermənistan qoşunlarının təmas xəttindəki yeni zorakılıq faktlarından narahat olduqları üçün bəyanat yayacaqlar. Trend-in məlumatına görə, bu barədə ATƏT-in Minsk qrupunun amerikalı həmsədri Ceyms Uorlik öz "Twitter" səhifəsində yazıb.

Uorlik qeyd edib ki, o, artıq Minsk qrupunun nümayəndələrini və ATƏT-in baş katibini Dağlıq Qarabağ münaqişəsinə dair son müzakirələr barədə məlumatlandırmaq üçün Vyanaya yollanıb.

Qeyd edək ki, dünən ATƏT-in Minsk qrupunun həmsədrləri Brüsseldə Avropa İttifaqı Şərq Tərəfdaşılığı proqramına daxil olan ölkələrin xarici işlər nazirlərinin 5-ci görüşü çərçivəsində Azərbaycanın xarici işlər naziri Elmar Məmmədyarovla görüşüblər.

Görüşdə ictimaiyyətə yaxşı məlum olan prinsiplər və eləcə də həmsədr ölkələrin səsləndirdikləri bəyanatlar əsasında Dağlıq Qarabağ münaqişəsinin həlli prosesinin sürətləndirilməsi yolları müzakirə edilib.

Məqalədə:
Xəbər lenti

Xəbər lenti