Azərbaycanda Minalardan Zərərçəkənlər Assosiasiyası təsis edilib. Trend in xəbər verdiyi kimi, bu barədə mayın 10-da keçirilmiş mətbuat konfransında Beynəlxalq Avrasiya Mətbuat Fondunun sədri Umud Mirzəyev məlumat verib. Assosiasiya minalardan zərər çəkmiş Azərbaycan vətəndaşlarına yardım göstərilməsi üzrə yeni layihə çərçivəsində yaradılıb. Ümumi büdcəsi $69.540 təşkil edən layihə ABŞ hökuməti, Dövlət Departamenti və Silahların ləğvi və qadağan olunması üzrə idarənin elan etdiyi tenderin qalibi Beynəlxalq Avrasiya Mətbuat Fondu tərəfindən gerçəkləşdiriləcək. Fond sədrinin sözlərinə görə, layihədə məqsəd minalardan zərər çəkənlərə tibbi-psixoloji, o cümlədən hüquqi yardım göstərmək, onların təhsil almasına şərait yaratmaqdan ibarətdir. Birinci mərhələdə layihə Tərtər rayonunda gerçəkləşdiriləcək. Burada zərərçəkənlər üzrə statistika (214 nəfər) digər rayonlarla müqayisədə daha yüksəkdir. Onların əksəriyyəti ağır və orta ağır vəziyyətdədir. "Gələcəkdə Assosiasiyanın regional bölmələrinin yaradılması planlaşdırılır", - deyə B.Mirzəyev bildirib.
Trend-in ən mühüm və maraqlı xəbərlərini "Telegram"da izləyin
.jpg)
