Azərbaycanın işğal olunmuş ərazilərində yanğınların törədilməsi məsələsi AŞPA-nın payız sessiyasında müzakirə oluna bilər. Bu barədə, Trend agentliyinin məlumatına əsasən, Azərbaycanın Avropa Şurasındakı daimi nümayəndəliyinin rəhbəri, səfir Aqşin Mehdiyev bildirib.
Onun sözlərinə görə, Avropa Şurası işğal olunmuş Azərbaycan torpaqlarındakı yanğınlarla bağlı vəziyyəti öyrənmək və bununla həmin problemin həllinə tövhə vermək üçün ekpertlərini bu əraziyə göndərəcək.
Əgər Azərbaycanın təklifi qəbul olunarsa, həmin məsələ üzrə məruzəçi də seçilə bilər.