Azərbaycan, Bakı / Trend , müxbir İ.Əlizadə /NATO Parlament Assambleyasının Şərq-Qərb Iqtisadi Əməkdaşlığı, Gələcək Təhlükəsizlik və Müdafiə İmkanları alt komitələrinin sentyabrın 16-dan 19-dək keçiriləcək iclasında Cənubi Qafqaz ölkələri üzrə məruzənin hazırlanması işlərinin gedişi müzakirə olunacaq. Bu barədə şənbə günü Milli Məclisin mətbuat xidmətindən məlumat verilib.
Toplantıda NATO Parlament Assambleyasının Cənubi Qafqaz ölkələri üzrə məruzəsinin Gürcüstandakı ictimai-siyası vəziyyət, ölkənin xarici siyasəti ilə bağlı tərəfləri müzakirə olunacaq.
İclasda Azərbaycanı Milli Məclisin deputatı Zahid Oruc təmsil edəcək. Tədbir iştirakçılarının Gürcüstan prezidenti Mixail Saakaşvili, ölkənin xarici işlər və müdafiə nazirləri, ABŞ-ın Gürcüstandakı səfiri ilə gürüşləri də nəzərdə tutulub.