Azərbaycan, Bakı / Trend / Prezident İlham Əliyev "Azərbaycan Respublikasının Cinayət Məcəlləsində və Azərbaycan Respublikasının İnzibati Xətalar Məcəlləsində dəyişikliklər edilməsi barədə" Azərbaycan Respublikasının 2007-ci il 23 oktyabr tarixli qanununun qüvvəyə minməsi ilə əlaqədar həmin qanunun tətbiq edilməsini təmin etmək məqsədi ilə sərəncam imzalayıb.
Sərəncama əsasən Nazirlər Kabinetinə tapşırılıb ki, 1 ay müddətində qüvvədə olan qanunvericilik aktlarının "Azərbaycan Respublikasının Cinayət Məcəlləsində və Azərbaycan Respublikasının İnzibati Xətalar Məcəlləsində dəyişikliklər edilməsi barədə" Azərbaycan Respublikasının qanununa uyğunlaşdırılması barədə təkliflərini hazırlayıb dövlət başçısına təqdim etsin; Nazirlər Kabinetinin və müvafiq mərkəzi icra hakimiyyəti orqanlarının normativ hüquqi aktlarının həmin qanuna uyğunlaşdırılmasını təmin etsin və bu barədə Azərbaycan Prezidentinə məlumat versin; öz səlahiyyətləri daxilində "Azərbaycan Respublikasının Cinayət Məcəlləsində və Azərbaycan Respublikasının İnzibatı Xətalar Məcəlləsində dəyişikliklər edilməsi barədə" qanundan irəli gələn digər məsələləri həll etsin.
Sərəncam dərc edildiyi gündən qüvvəyə minir.