Böyük Britaniya, London, 30 yanvar/ Trend , müxbir G.Əhmədova/ Osmanlı imperiyasında 1915-1918-ci illərdə qondarma erməni soyqrımı haqqında iddialar əsassıdır və Ermənistan hakimiyyəti tərəfindən bu "faktın" tanınması siyasəti Türkiyə-Ermənistan münasibətlərinin bərpasına kömək etməyəcək - türkiyəli diplomat belə hesab edir. "Ermənistanın qondarma "erməni soyqrımı" haqqında iddiaları əsassızdır və iki ölkə arasında münasibətlərin yaxşılaşmasına kömək etməyəcək", - çərşənbə günü Türkiyənin Böyük Britaniyadakı baş konsulu Bahadır Kaleli Trend -ə bildirib.
Erməni tarixçiləri Osmanlı imperiyası hakimiyyətinin 1915-1918-ci illərdə 1,5 mln. erməninin öldürülməsinə gətirən soyqırım həyata keçirdiyini bəyan edirlər. Türkiyənin Ermənistanla diplomatik münasibətlərin bərpa edilməsi məsələsində şərtlərindən biri İrəvanın dünya ölkələri tərəfindən "erməni soyqrımı haqqında" qətnamənin tanınması fikrindən imtina etməsidir.
"Türkiyə və Ermənistan arasında münasibətlərin pisləşməsinə səbəb olan vacib amillərdən biri ermənilərin tarixi hadisələrə subyektiv və təhrif olunmuş yanaşmasıdır", - Kaleli bildirib.
Baş konsul tarixi faktlara toxunaraq, Türkiyə Respublikasının (Osmanlı İmperiyasının varisi) yaranmasınadək yüz illik bir dövrdə erməni terror təşkilatları və döyüşçülərinin beş milyondan çox türkü öldürduyünü, beş milyondan çoxunun isə, öz torpaqlarından deportasiya edildiyini bildirib. Türkiyənin şərqində qondarma "erməni soyqrımı"-nın baş verdiyi 1914-23 illərdə bir milyondan çox türk həlak olub və bu, hansı xalqın daha çox əziyyət çəkdiyinə sübutdur", - diplomat söyləyib.
Türkiyəli diplomatın sözlərinə görə, hazırki Ermənistan hökuməti 1915-ci il hadisələrinə daha mühafizəkar yanaşır və qondarma "erməni soyqrımı"-nın dünya dövlətləri tərəfindən tanınmasını öz xarici siyasətinin vacib məsələsinə çevirib. Türkiyənin baş konsulu, erməni hakimiyyətinin 1915-ci il hadisələrini öz xarici siyasətindən çıxardığı və məsələyə elmi, tarixi nöqteyi-nəzərdən baxdığı halda, hər şeyin daha asan olacağını hesab edir.
