Azərbaycan, Bakı, 08 fevral / Trend , müxbir E.Hüseynov / Martda Çexiya parlamentinin nümayəndəliyi Bakıya gələcək, - cümə günü Azərbaycanın Çexiyadakı səfiri Tahir Tağızadə Praqadan telefonla Trend ə bildirib.
Missiyaya Çexiya parlamenti Nümayəndələr Palatasının Xarici Əlaqələr üzrə Komitənin sədri Yan Xamaçek başçılıq edəcək.
Qarşıdakı günlərdə səfərin tarixi və gündəliyi təyin olunacaq.
Hazırda Bakı görüşü zamanı müzakirə olunacaq məsələlərin siyahısını hazırlayırıq, - Tağızadə deyib.
İlkin məlumatlara görə, səfər martın ilk ongünlüyündə baş tuta bilər.
