Azərbaycan, Gəncə,12 fevral / Trend ", müxbir V.Məmmədov/ Azərbaycanın Fövqəladə Hallar Nazirliyinin (FHN) Dövlət Yanğından Mühafizə Xidmətində kadr islahatları aparılıb. Trend in bölgə müxbirinin məlumatına görə, fövqəladə hallar naziri Kəmaləddin Heydərovun əmri ilə Dövlət Yanğından Mühafizə Xidmətinin Gəncə şəhər Yanğından Mühafizə Bölməsinin rəisi Şahin Məmmədov vəzifəsindən azad edilib. Onun yerinə Hamlet Süleymanov təyin edilib.
Süleymanov bu vəzifəyə təyin edilməzdən öncə Dövlət Yanğından Mühafizə Xidmətinin Samux rayon Yanğından Mühafizə Bölməsinin rəisi işləyib.
Gəncə şəhər Yanğından Mühafizə Bölməsi məlumatı təsdiqləyib.
Gəncə paytaxt Bakıdan 365 kilometr qərbdə yerləşir.
Müəlliflə əlaqə saxlamaq üçün elektron ünvan - [email protected]