...

Azərbaycan mədəni irsinin məhv edilməsi ilə bağlı beynəlxalq kampaniyaya başlamalıdır - britaniyalı jurnalist

Siyasət Materials 14 Fevral 2008 14:49 (UTC +04:00)

Böyük Britaniya, London, 14 fevral/ " , müxbir Q.Əhmədova/ Torpaqlarının işğalı ilə qarşılaşan Azərbaycan öz mədəni irsinin məhv edilməsi ilə əlaqədar beynəlxalq kampaniyaya başlamağa çalışmalıdır. Məşhur britaniyalı jurnalist Nikolas Cons belə hesab edir.

"Ölkənin mədəni və tarixi irsinin məhvi şübhəsiz ki, beynəlxalq və hərbi cinayətdir. Bu məsələni beynəlxalq səviyyədə qaldırarkən azərbaycanlılar haqlıdırlar" - Cons Trend ə bildirib.

Ermənilərin hərbi təcavüzü nəticəsində Azərbaycan torpaqlarının 20 faizi, o cümlədən Dağlıq Qarabağ regionu 90-cı illərin əvvəllərindən işğal altındadır. Azərbaycan Ermənistanın bütün XX əsr boyu azərbaycanlı əhaliyə qarşı dövlət səviyyəsində soyqırım və deportasiya siyasəti aparması haqqında beynəlxalq təşkilatlar çərçivəsində dəfələrlə məsələ qaldırıb. Bütün Azərbaycan coğrafi adları dəyişdirilib, Azərbaycan məzarlıqları dağıdılıb, tarixi və mədəni sərvətlər məhv edilib.

Azərbaycanın işğal olunan Şuşa rayonunda arxeoloji qazıntıların aparılması beynəlxalq hüququn kobud şəkildə pozulmasıdır. Bu barədə hələ 2005-ci ildə Trend ə bu məsələni Avropa Şurası qarşısında qaldıran azərbaycanlı deputat Rafael Hüseynov bildirib. Onun sözlərinə görə, AŞ Nazirlər Komitəsinə müraciətində o, Şuşada arxeoloji qazıntıların və erməni hakimiyyətinin Azərbaycan xalqının mədəni sərvətləri və genofondunun məhvinə yönəlmiş siyasətinin qarşısının alınması üçün ciddi addımlar atmağa çağırıb.

30 il BBC-nin siyasi müxbiri işləyən və Dağlıq Qarabağ münaqişəsinin tarixi ilə yaxşı tanış olan Cons Azərbaycanın diqqəti mədəni irs probleminə yönəltməkdə haqlı olduğunu hesab edir. "Mən Azərbaycanın nə hisslər keçdirdiyini başa düşə bilərəm. Ona görə ki, Avropa ölkələrinin bir çoxu və Amerikada Azərbaycanın mədəni irsinə vurulan zərərə ya kifayət qədər diqqət ayırmırlar, ya da bu məsələdən yan keçirlər" - Cons bildirib.

"Məscidlərin, erkən dövr xristian abidələrinin məhvi, görməli dini yerlərin təhqir edilməsi - bu, Avropanın daxilində, həmçinin onun sərhədlərindən kənarda qaldırılması vacib olan problemdir. Düşünürəm ki, Azərbaycan bu məsələyə bu qədər diqqət ayrımaqda haqlıdır. Yalnız bu şəkildə dünya ictimaiyyətinin kifayət qədər diqqətini cəlb etmək olar" - jurnalist bildirib.

İki Cənubi Qafqaz ölkəsiarasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ ki nəticəsiz sülh danışıqları aparılır.

Bazar ertəsi Londonda "Azərbaycana qarşı müharibə" kitabının və Dağlıq Qarabağ münaqişəsi nəticəsində Azərbaycanın mədəni irsinə vurulan ziyan haqqında filmin təqdimatı baş tutub.

Məqalə müəllifinin ünvanı: [email protected]

Xəbər lenti

Xəbər lenti