Azərbaycan, Bakı, 15fevral / Trend , müxbir K. Zərbalıyeva/ Prokurorluq orqanlarında işə qəbulla bağlı elan olunmuş sənəd qəbulunun müddədti daha bir ay uzadılıb.
Baş Prokurorluğun mətbuat xidmətindən verilən məlumata görə, prokurorluq orqanlarına 150 ştat vahidi üzrə elan edilmiş müsabiqə iştirakçılarının dekabrın 5-dən başlamış sənəd qəbulu martın 15-dək davam etdiriləcək.
Baş Prokurororluğun mətbuat xidmətindən bildirilib kii, daxil olan müraciətlər nəzərə alınaraq, eləcə də prokurorluq orqanlarına işə qəbulun səmərəliliyinin artırılması, hüquqşünaslıq ixtisası üzrə ali təhsil almış Azərbaycan vətəndaşlarının müsabiqədə iştirak etməsinə daha geniş imkanlar yaradılması məqsədi ilə sənədlərin qəbulu üçün əvvəl müəyyən edilmiş müddət uzadılıb.
Prokurorluğa işə
qəbul olunmaq istəyən hər bir namizədin
hazırlığının, bilik səviyyəsinin, ümumi
dünyagörüşünün, prokuror və ya
müstəntiq vəzifəsinə yararlığı
və layiqliyinin müəyyən edilməsi
məqsədi ilə aşkarlıq şəraitində,
şəffaf üsullarla, beynəlxalq tələblərə
uyğun keçirilən ixtisas imtahanları (test və
yazılı imtahanlar) və söhbətdən ibarət
müsabiqə təşkil ediləcək..
Müsabiqədə bərabər nəticələr
əldə etmiş şəxslərdən xarici dilləri
mükəmməl bilənlərə üstünlük
veriləcək..
Prokurorluğa işə 30 yaşınadək olan Azərbaycan
Respublikası vətəndaşları qəbul olunurlar.