Azərbaycan, Bakı, 15 fevral / Trend , müxbir R.Hafizoğlu/ İraqda sülhün və sabitliyin bərqərar olması üçün ABŞ və koalisiya qüvvələrinin yerli müqavimət dəstələri ilə dialoqun aparılması qaçılmazdır. "İraqda sülhə hərbi yolla deyil, siyasi yolla nail olmaq mümkündür" - deyə İraq Xalq Cəbhəsi Partiyasının lideri İyad Əllavi Trend ə bildirib.
"Əl-Cəzirə" telekanılının verdiyi məlumata görə , İraq Parlamenti fevralın 13-də ölkədə siyasi böhranın həlli və mübərizə aparan qüvvələrin silahları təhvil vermələri üçün əfv qanununun qəbul edilməsi məsələsini müzakirə edib.
İraqın sabiq baş naziri Əllavi ölkəsində sülhün bərqərar olması üçün mübarizə aparan qüvvələrlə dialoqun vacibliyini istisna etmir. "İraqdakı ABŞ və koalisiya qüvvələri yerli müqavimət dəstələri ilə terrorçular arasında heç bir fərq görmürlər. Biz mübarizə aparan yerli müqavimət dəstələri ilə terrorçuları bir-birindən ayırmağı bacarmalıyıq" - deyə Əllavi cümə günü İraqdan elektron poçt vasitəsilə bildirirb.
Əllavi hesab edir ki, İraq problemi əsasən daxildən qaynaqlanır. "Bir siyasətçi kimi onu deyə bilərm ki, İraqdakı böhranın əsas səbəbi hökumətin təkbaşına idərə edilməsidir. İraqın idarə edilməsi üçün bu işdə təcrübəsi olan şəxslər birgə fəaliyyət göstərməlidirlər. Ölkədəki problemin həlli üçün beynəlxalq qüvvələrin və qonşu dövlətlərin müdaxiləsinə ehtiyac yoxdur" - deyə o qeyd edib.
Onun fikrincə, bugünkü hökumətin buraxdığı ən böyük səhvlərdən biri də bir vaxtlar aparıcı partiya olan "Bəəs" liderlərini İraq siyasi arenasından uzaqlaşdırmaqdır.
İraq strateji araşdırmalar mərkəzinin direktoru, politoloq Əhməd Təqiy də İraqda mübərizə aparan qüvvələrlə dialoqun mümkünlüyünü istisna etmir. "İraqda mübərizə aparan yerli müqavimət dəstələri ilə dialoq yaradıb, onları "Əl-Qaidə" terrorçularına qarşı istifadə etmək olar" - deyə cümə günü Təqiy Kərbəladan Trend ə bildirib.
Onun fikrincə, İraqda mübərizə aparan şiə və sünni qüvvələr içində ölkənin siyasi həyatında dönüş edə biləcək qüvvələr mövcuddur.
Müxtəlif kütləvi informasiya vasitələrində İraqda müharibə başlayandan bu günə qədər ölən və itkin düşən insanların ümimi sayı 350 mindən 4 milyon nəfər arasında göstərilir.
Məqalə müəllifi ilə rufiz ünvanı ilə əlaqə saxlamaq olar.