Azərbaycan, Bakı, 04 mart / Trend ", müxbir Q.Cəbiyev/ Azərbaycanın iqtidaryönlü Ana Vətən Partiyasında (AVP) kadr islahatları aparılacaq. Bu barədə çərşənbə axşamı Trend a AVP sədri, millət vəkili Fəzail Ağamalı məlumat verib.
Partiyanın mayın sonlarında qurultayı keçiriləcək. Qurultayda partiya hakim Yeni Azərbaycan Partiyasının (YAP) sədri, prezident İlham Əliyevin namizədliyini irəli sürmək niyyətindədir.
Ağamalı deyib ki, kadr islahatları çərçivəsində özünə yeni müavinlər təyin edəcək. AVP sədri digər kadr dəyişikliklərinin olacağını açıqlamayıb və bu barədə qurultayda yekun qərar veriləcəyini bildirib.
