Azərbaycan, Bakı, 28 mart / Trend müxbir C.Babayeva/ "Dalğa" gənclər hərəkatının üzvləri səhiyyədəki problemlər və ekoloji vəziyyətin ağır durumunu ictimaiyyətin diqqətinə çatdırmaq məqsədilə aprelin 1-də Bakının mərkəzində "Sağlam Gələcək" şüarı ilə etiraz aksiyası keçirəcək. Bu barədə Trend -a hərəkatın mətbuat xidmətindən məlumat verilib.
Məlumata əsasən, aksiya iştirakçıları etirazlarını ağ xalat geyinərək Bakının mərkəzi küçələrinin birində yürüş edərək bildirəcək.
"Bakının artıq necənci dəfədir ki, beynəlxalq təşkilatların apardıqları sorğu və monitorinqlərdə dünyanın ən çirkli şəhərləri siyahısında ön sıralarda yer tutması və ekoloji problemlərin şəhər sakinlərinin ağır xəstəliklərinə səbəb olması aksiyanı zəruri edən amillərdəndir", deyə məlumatda bildirilib.
Bu istiqamətdə daha öncə də aksiyalar keçirən Hərəkatın bu istiqamətdə müxtəlif təbdirləri olacaq.
"Dalğa" gənclər hərəkatı 2005-ci ilin fevralında yaradılıb.
