Azərbaycan, Bakı, 29 mart / Trend , müxbir S.İlhamqızı/ Azərbaycan prezidenti İlham Əliyev şənbə günü Beynəlxalq Kanoe Federasiyasının prezidenti Ulrix Feldhofu qəbul edib. Görüşdə Azərbaycanda idmana göstərilən yüksək dövlət qayğısından danışılıb, ölkədə idmanın bütün sahələrinin, o cümlədən kanoe idman növünün də inkişaf etdirildiyi qeyd olunub.
Mingəçevirdəki avarçəkmə təlim-məşq bazasının dünya standartlarına uyğun şəkildə yenidən qurulmasının əhəmiyyəti vurğulanıb, orada bir sıra beynəlxalq yarışların və təlim-məşq toplanışlarının keçirilməsi üçün yaxşı imkanların yaradılacağına əminlik ifadə olunub.