Azərbaycan, Bakı, 29 mart/ Trend , müxbir İ.Əlizadə/ Estoniya parlamenti sədrinin müavini Kristina Olven martın 31-də Azərbaycana səfərə gələcək. Bu barədə şənbə günü Milli Məclisin mətbuat xidmətindən məlumat verilib. Olven Estoniya ilə Azərbaycan arasında parlamentlərarası əlaqələrin inkişafına, digər sahələrdə münasibətlərin genişləndirilməsinə dair danışıqlar aparacaq. Estoniya parlamentinin sədr müavini səfər çərçivəsində, Milli Məclisdə, Xarici İşlər Nazirliyində bir sıra görüşlər keçirəcək, Heydər Əliyev Fondunda olacaq, Fəxri xiyabanda Azərbaycanın eks-prezidenti Heydər Əliyevin məzarını, Şəhidlər xiyabanını ziyarət edəcək.
...