...

Azərbaycan Sosialist Partiyası yaradılır

Siyasət Materials 31 Mart 2008 12:01 (UTC +04:00)

Azərbaycan, Bakı, 31 mart / Trend , müxbir S.İlhamqızı/ Yeni yaradılmaqda olan Azərbaycan Sosialist Partiyasının Təşəbbüs Qrupu artıq iki beynəlxalq təşkilata üzv qəbul edilib. Bu barədə Trend a partiyanın yaradılması üzrə Təşəbbüs Qrupunun rəhbəri Rüstəm Şahsuvarov məlumat verib.

Azərbaycan Kommunist Partiyasında təmsil olunmuş Şahsuvarov özünün yeni partiyasını yaradır. Onun sözlərinə görə, Azərbayan Sosialist Partiyası adlanan yeni qurum sol təmayüllü, demokratik partiya olacaq.

Şahsuvarovun bildirdiyinə görə, partiyanın Təşəbbüs Qrupu mərkəzi qərargahı Nyu-Yorkda yerləşən IV İnternasional Uğrunda Kommunist Təşkilatı və mərkəzi Londonda yerləşən Fəhlə İnternasionalı Uğrunda Beynəlxalq Komitə tərəfindən üzvlüyə qəbul edilib.

Şahsuvarov əlavə edib ki, onun partiyası köhnə ənənəvi kommunizmi, stalinçiliyi rədd edir, Moskvaya, Rusiya kommunistlərinin lideri Gennadi Züqanova tabe olmayacaq və müstəqil şəkildə fəaliyyət göstərəcək.

Xəbər lenti

Xəbər lenti