Azərbaycan, Bakı, 16 aprel / Trend , müxbir S.İlhamqızı/ Müxalifətçi Müsavat Partiyası mayın 4-də mitinq keçirilməsi ilə əlaqədar bu gün Bakı Şəhər İcra Hakimiyyətinə müraciət edib. Bu barədə Trend a Müsavat Partiyası mərkəzi İcra Aparatının rəhbəri Arif Hacılı məlumat verib.
Müraciətdə partiya mitinq keçirmək üçün üç marşrut təklif edib - "Qələbə" kinoteatrı qarşısındakı meydan, Nəriman Nərimanov kinoteatrı qarşısındakı meydan və "Ukrayna dairəsi" adlanan meydan.
Hacılının sözlərinə görə, mitinqdə seçki kampaniyası müddətinin 4 aydan 2 aya qədər endirilməsi cəhdlərinə, həmçinin vətəndaşların mülkiyyət obyektlərinin adekvat təzminat ödəmədən sökülməsinə, son bahalaşmaya etiraz bildiriləcək
Aksiyada "Bahalaşmaya son qoyulsun!", "Mülkiyyət toxunulmazlığı qorunsun!", "Seçki komissiyaları paritet formalaşdırılsın", "Seçkiqababağı demokratik şərait yaradılsın!", "Mətbuata basqılara son qoyulsun!" tələbləri əsas şüarlar olacaq.
Müəlliflə əlaqə saxlamaq üçün elektron ünvan - [email protected]