Azərbaycan, Bakı, 02 may / Trend , müxbir S.Ağayeva/ YUNESKO-nun Baş direktoru Koitiro Matsuura, bir neçə ölkənin birinci xanımları və təhsil nazirləri mayın 13-15-də Azərbaycan paytaxtında keçiriləcək YUNESKO-nun qlobal savada dəstək üzrə Bakı konfrasına dəvət olunublar. Bu barədə Trend a cümə axşamı telefonla Parisdən Ahzərbaycanın YUNESKO-da daimi nümayədəsi, səfir Eleonora Hüseynova məlumat verib.
YUNESKO-nun "Avropada savadsızlıq probleminin subregional əsaslarla həlli: Tərfdaşlıq əlaqələrinin qurulması və innovasiya yanaşmalarının tətbiqinə yardım" mövzusuna dair regional konfransı Azərbaycanın birinci xanımı, YUNESKO və İSESKO-nun Xoşməramlı səfiri, Heydər Əliyev Fondunun prezidenti və Milli Məclisin deputatı Mehriban Əliyevanın dəstəyi ilə keçiriləcək.
Təşkilatın mətbuat xidmətindən əvvəllər verilən məlumata görə, YUNESKO-nun Bakıda təşkil olunacaq savadlılığın yayılması üzrə regional konfransı təşkilat, üzv və tərəfdaş dövlətlərin, milli və regional səviyyədə maraqlı olan bütün tərəflərin gündəliyində bu problemə böyük diqqət ayrılması üçün böyük əhəmiyyət kəsb edir.
Səfirin sözlərinə görə, iclas çərçivəsində bir neçə ölkənin birinci xanımı və təhsil nazirlərinin iştirakı ilə Dəyirmi masa keçiriləcək.
Dəyirmi masa arxasında regionda əsas çağırışlar, tendensiyalar, nöqsanlar, nailiyyətlər və innovasiya, həmçinin savadlılığın yayılması üsulları ilə bağlı tövsiyələrin hazırlanması üzrə müzakirələr aparılacaq. Müzakirələr zamanı bu mövzular nəzərdən keçiriləcək: savadlılıq konsepsiyası və təkamülü, müasir dünyada böyüklərə təhsil verilməsi, ömür boyu təhsilin öyrənilməsi və işlə təmin olunma, fəal vətəndaş mövqeyi ortaya qoymaq və elm cəmiyyətinə sosial inteqrasiya üçün lazım olan təcrübələrin əldə edilməsi üçün əsas kimi; savadlılıq və baza təcrübəsi səviyyəsinin təhlili və qiymətləndirilməsi; keyfiyyətli baza təhsilinin inkişafına pedaqoji yanaşma; yeni tələbatların, təhsil üçün inteqrallama sisteminin təmin edilməsi, qanunverici və institusional tədbirlər.
Hüseynovanın verdiyi məlumat görə, YUNESKO Baş direktoru geniş görüş proqramı hazırlayıb. O, ölkə prezidenti, Baş nazir, həmçinin YUNESKO ilə birgə reallaşdırılan proqram və layihələrdə iştirak edən Azərbaycanın dövlət strukturlarının rəhbərləri ilə görüşlər planlaşdırıb.
Müəlliflə əlaqə saxlamaq üçün elektron ünvan : trend
